Ang Pagkakaisa ng Iglesia ni Cristo...(Part 3)

Isa sa mga pagkakataon kung saan lalong nahahayag ang pagkakaisa ng Iglesia ni Cristo ay sa panahon ng halalan. Ang mga kaanib ng Iglesia ay bumuboto dahil ang pagboto ay batas ng pamahalaan para sa lahat ng mamamayan.

Sumunod sa batas ng pamahalaan

1 Pedro 2:13-14 ""KAYO'Y PASAKOP SA BAWAT PALATUNTUNAN NG TAO ALANG ALANG SA PANGINOON: maging sa hari, na kataastaasan; o sa mga gobernador, na sinugo niya sa paghihiganti sa nagsisigawa ng masama at sa kapurihan ng nagsisigawa ng mabuti.""

Ang mga kaanib ng Iglesia bilang mamamayan ay sumusunod sa bawat palatuntunan ng tao o sa batas ng pamahalaan sapagkat ang pagsalangsang sa batas at may kapangyarihan ay ibinibilang na kasalanan sa Diyos dahil ang kapangyarihang yaon ay mula sa Dios.

Roma 13:1-2 ""Ang bawa’t kaluluwa ay PASAKOP SA MATATAAS NA KAPANGYARIHAN: SAPAGKA’T WALANG KAPANGYARIHAN NA HINDI MULA SA DIOS; at ANG MGA KAPANGYARIHANG YAO’Y HINIRANG NG DIOS. Kaya nga't ang sumasalangsang sa kapangyarihan, ay sa utos ng Dios sumasalangsang: at ang mga nagsisalangsang ay magsisitanggap ng kahatulan sa kanilang sarili.""

Ayon sa ating Panginoong Jesucristo

Mateo 22:21 ""Sinabi nila sa kaniya, kay Cesar. Nang magkagayo'y sinabi niya sa kanila, kaya't IBIGAY NINYO KAY CESAR ANG SA KAY CESAR; at SA DIOS ANG SA DIOS.""

Ang tinutukoy na Cesar ay ang pamahalaan. Utos ni Cristo na ibigay sa Dios ang sa Dios, kay Cesar o sa pamahalaan ang sa pamahalaan. Batas ng bansa ang MAGHALAL NG PINUNO sa bayan kaya't isinasagawa ito ng mga Iglesia ni Cristo hindi lamang dahil sa gobyerno kundi dahil sa ito ay utos din ni Cristo.

Ang bahagi ng Dios sa gawaing pagboto

Colosas 3:17 ""At ANOMANG INYONG GINAGAWA, sa salita, o sa gawa, GAWIN NINYONG LAHAT SA PANGALAN NG PANGINOONG JESUS, na nagpapasalamat kayo sa Dios sa pamamagitan Niya.""

Maliwanag sa talata na ANUMANG sasalitain o gagawin ng mga Iglesia ni Cristo ay ginagawa sa pangalan ng Panginoong Jesus. Ang pagboto ay dapat gawin sa pangalan ng Panginoong Jesucristo. At anomang ating gagawin ay dapat gawin sa ikaluluwalhati ng Dios. Naluluwalhati ang Dios kapag ginaganap natin ang ipinagagawa Niya.

1 Corinto 10:31 ""Kaya kung kayo'y nagsisikain man,o nagsisiinom man o ANOMAN ANG INYONG GINAGAWA, GAWIN NINYO ANG LAHAT SA IKALULUWALHATI NG DIOS.""

Juan 17:4 ""NILUWALHATI KITA sa lupa, PAGKAGANAP KO NG GAWA NA IPINAGAWA MO SA AKIN.""

Ang pagsunod sa batas ng pamahalaan, isa na dito ang pagboto, ay utos na Dios na kung ating gaganapin o susundin ay naluluwalhati ang Dios. 

Sa nakaraang dalawang posts ay napagalaman natin na mahalaga ang pagkakaisa ng Iglesia dahil sa ito ay utos ng Dios. Sa panahon ng halalan ay mas nahahayag ang kaisahang ito ng Iglesia. Ngunit  tinutuligsa ng ilan ang kaisahang ito sapagkat ang pagkakaisa daw ng Iglesia ay sa espirituwal lamang at hindi pati rin sa isyung pulitikal. Bakit ba nagkakaisa ang Iglesia maging hanggang sa pagboto?

Filipos 2:2-3 ""Ay lubusin ninyo ang aking katuwaan, upang kayo'y MANGAGKAISA NG PAG-IISIP, mangagtaglay ng isa ring pag-ibig, na mangagkaisa ng akala, at isa lamang pag-iisip; Na HUWAG NINYONG GAWIN ANG ANOMAN SA PAMAMAGITAN NG PAGKAKAMPI-KAMPI o sa pamamagitan ng pagpapalo, kundi sa kababaan ng pag-iisip, na ipalagay ng bawat isa ang iba na lalong mabuti kay sa kaniyang sarili.""

Nagkakaisa ang Iglesia maging sa pagboto dahil  ayon sa talata huwag dapat GAWIN ANG ANOMAN sa pamamagitan ng pagkakampi-kampi.

Ang pagboto

Vote- "".....expression of Judgement...""

(Pagboto- "".....isang pagpapahayag ng paghatol..."")

(Webster's New International Dictionary)

Ayon sa mga apostol kung ginagawa natin  ang paghatol ay dapat mangagkaisa ng lubos.

1 Corinto 1:10 "" Subalit ipinamamanhik ko sa inyong lahat, mga kapatid, na alang-alang sa ating Panginoong JesuCristo ay mangagkaisa kayong lahat sa inyong sinasalita, at huwag ninyong itulot na magkaroon ng pagkakabahabahagi sa gitna ninyo, kundi MAGKAISA KAYONG LUBOS SA PAG-IISIP AT PAGHATOL.""

Ang pagboto ay paghatol kaya dapat magkaisa sa pagboto. Ang mga kaanib sa Iglesia ni Cristo ay hindi nagkakabahabahagi o nagkakanyakanya sa pagpili ng kandidato sapagkat masisira ang pagkakaisa ng Iglesia kung may ganito.

Ang nagpapasiya: Ang Tagapamahalang Pangkalahatan

Gawa 15:1-2 ""At may ibang mga taong nagsilusong mula sa Judea ay nagsipagturo sa mga kapatid, na sinasabi, Maliban na kayo'y mangagtuli ayon sa kaugalian ni Moises, ay hindi kayo mangaliligtas. At nang magkaroon, si Pablo at Bernabe ng DI KAKAUNTING PAGTATALO at pakikipagtuligsaan sa kanila, ay ipinasya ng mga kapatid na si Pablo at si Bernabe, at ang ilan sa kanila, magsiahon sa Jerusalem, sa mga apostol at sa mga matanda tungkol sa suliraning ito."" 

Mapapansing nagkaroon ng pagtatalo sa mga kaanib sa Iglesia noon. kaya upang masolusyonan ang suliranin nila ay nagtungo sila sa Jerusalem, sa kinaroroonan ng Pamamahala.  Ang punto dito ay hindi ukol sa pagtutuli kundi ang punto ay kung sino ang dapat magpasya upang hindi magkaroon ng pagkakabahabahagi. Nang matapos nilang ihayag ang kani-kaniyang panig ay isa lamang ang nagpasiya upang masolusyunan ang suliranin nila.

Gawa 15:19 ""Dahil dito'y ANG HATOL KO, ay huwag nating gambalain yong sa mga Gentil ay nangagbabalik-loob sa Dios.""

Ayon sa talata isa lamang ang naghatol o nagpasiya (...ang hatol KO...). Siya ay si Santiago na siyang TAGAPAMAHALANG PANGKALAHATAN ng Iglesia noon.

Gawa 15:13 ""At nang matapos na silang magsitahimik, ay sumagot si SANTIAGO, na sinasabi, Mga kapatid, PAKINGGAN NINYO AKO.""

Ang pagpapasiya ng Tagapamahalang Pangkalahatan na inilagay ng Ama sa Iglesia ay hindi sariling kapasiyahan lamang kundi may katangiang galing sa Dios.

Gawa 15:28 ""Sapagka't MINAGALING NG ESPIRITU, at namin, na huwag kayong atangan ng lalong mabigat na pasanin sa mga bagay na ito na kinaikalangan.""


Magpasakop sa Namamahala

Ang pagpapasiya ng namamahala sa Iglesia ay minagaling o kinakasihan ng Espiritu Santo kaya marapat lamang na ito ay sundin. Itinuro naman sa atin ng Biblia na dapat magpasakop tayo at gumalang sa Pamamahala upang manguna at mangasiwa sa atin para sa atin ding ikabubuti.

Hebrews 13:17 ""SUNDIN NINYO ANG MGA NANGANGASIWA SA INYO, at PASAKOP KAYO SA KANILANG PAMAMAHALA. Sila ang mangangalaga sa inyo at mananagot sa paglilingkod na ito. Sundin ninyo sila upang maging kagalakan at hindi pabigat ang paglilingkod nila; ito'y sa ikabubuti rin ninyo.""

Ang Pagkakaisa ng Iglesia ni Cristo...(Part 2)

Sa nakaraang post ay napag-alaman natin kung kaninong utos ang  pagkakaisa. Tinuturing ng Iglesia ni Cristo na ang doktrinang ito ay mahalaga dahil sa mga katotohanang nakasaad sa Biblia.

Iisang katawan kay Cristo

Romans 12:4-5 ""Sapagkat kung paanong sa ISANG KATAWAN ay mayroon tayong maraming mga sangkap, at ang lahat ng mga sangkap ay hindi pareho ang gawain: ay gayon din tayo na marami, ay IISANG KATAWAN KAY CRISTO, at mga SANGKAP NA SAMA SAMA SA ISA'T ISA.""

Ayon kay Apostol Pablo, ang mga kaanib ay nasa iisang katawan kay Cristo. Bagaman maraming mga sangkap na hindi pareho ang gawain ay sama-sama pa rin sa isa't isa. Ang katawang tinutukoy ni Apostol Pablo ay ang Iglesia:

Colosians 1:8 ""At siya ang ulo ng KATAWAN, samakatuwid baga'y ng IGLESIA......""

Sino ang naglagay at bakit inilagay ang mga sangkap sa isa lamang katawan?

1 Corinto 12:18, 25 ""Datapuwa't ngayo'y INILAGAY NG DIOS ang bawat isa sa mga sangkap ng katawan, ayon sa kaniyang minagaling......Upang HUWAG MAGKAROON NG PAGKAKABAHA-BAHAGI SA KATAWAN kundi ang mga sangkap ay MANGAGKAROON NG MAGKASING-ISANG PAG-IINGAT SA ISA'T ISA""

Ang Dios mismo ang naglagay ng mga sangkap sa isa lamang katawan, ito ay upang huwag magkaroon ng pagkakabaha-bahagi. Ayaw ng Dios na ang mga kaanib sa Iglesia ay magkakaron ng pagkakabaha-bahagi.

Pagkakabaha-bahagi: Ayaw ng Dios

1 Corinto 3:3-4 ""Sapagkat kayo'y MGA SA LAMAN PA: sapagka't  samantalang sa inyo'y may mga paninibugho at mga pagtatalo, hindi baga kayo'y mga sa laman, at kayo'y nagsisilakad ayon sa kaugalian ng mga tao? Sapagka't kung sinasabi ng isa, ako'y kay Pablo; at ng ubam ako'u kay Apolos; hindi baga kayo'y mga tao?""

Roma 8:9 ""Datapuwa't KAYO'Y WALA SA LAMAN KUNDI NASA SA ESPIRITU, kung gayo'y tumitira sa inyo ang Espiritu ng Dios, Datapuwa't kung ang sinoma'y walang Espiritu ni Cristo, SIYA'Y HINDI SA KANIYA.""

Santiago 3:14-15 ""Ngunit kung kayo'y mayroong mapapait na paninibugho at PAGKAKAMPIKAMPI sa inyong puso, ay HUWAG NINYONG IPAGMAPURI at huwag magsinungaling laban sa katotohanan. Hindi ito ang karunungang bumababa mula sa itaas, kundi ANG NAUUKOL SA LUPA, SA LAMAN, SA DIABLO.""

Ang pagkakabahabahagi at pagkakampikampi ay sa laman. Ayon sa talata ang mga lingkod ng Dios ay wala sa laman kundi nasa Espiritu. Kung walang Espiritu ni Cristo, siya'y hindi sa Kaniya. Kung ang tao ay sa laman siya ay sa Diablo.

Upang manatili ang Dios sa atin

2 Corinto 13:11 ""Sa katapustapusan, MGA KAPATID, paalam na, Mangagpakasakdal kayo; mangaaliw kayo; MANGAGKAIISA KAYO NG PAG-IISIP; mangabuhay kayo sa kapayapaan: at ang DIOS NG PAGIBIG AT NG KAPAYAPAAN AY SASA INYO.""

Efeso 4:4-6 ""May isang katawan, at isang Espiritu, gaya naman ng pagkatawag sa inyo sa isang pagasa ng pagtawag sa inyo;  Isang Panginoon, isang pananampalataya, isang bautismo, isang Dios at Ama ng lahat, na siyang sumasaibabaw sa lahat, at sumasalahat, sa nasa lahat.""

Upang manatili ang Dios sa atin, isa sa mga payo ng mga apostol ay mangagkaiisa ang mga lingkod niya ng pagiisip. May isa lamang katawan o Iglesia na may isang pananampalataya, isang bautismo at isang Dios lamang. Kung mayroong pagkakabahabahagi, ito ay makasisira sa iisang katawan. Ang pagkakaisa ay mahalagang aral ng Dios na dapat mamalagi sa Iglesia sa lahat ng panahon at pagkakataon . Ang pananatili ng pagkakaisa ay pananatili rin ng Dios sa mga lingkod Niya.

itutuloy...

Ang Pagkakaisa ng Iglesia ni Cristo...(Part 1)

Isang matagumpay na gawain ng Iglesia bunga ng pagkakaisa 

Isa sa doktrinang itinataguyod ng Iglesia ni Cristo ay ang pagkakaisa ng mga kaanib. Hindi kaila sa maraming tao na ang Iglesia ni Cristo ay nagkakaisa, lalo na't mas nahahayag ito sa tuwing dumarating ang halalan. Ang pagkakaisa ay tinutupad ng Iglesia hindi lamang sa tuwing eleksyon kundi maging sa iba't ibang gawain tulad ng mga community clean up drives, blood letting projects, paglingap sa mga mamamayan, pagmimisyon, tree planting activities, Unity games at iba pa.

Aral ng Dios

Awit 133:1 ""Masdan ninyo, na PAGKABUTI at PAGKALIGAYA sa mga MAGKAKAPATID na magsitahang magkakasama sa PAGKAKAISA""

Maliwanag sa talata na ang maidudulot ng pagkakaisa ay ang mabuti at maligayang pagsasamahan ng magkakapatid. Ito ay kaaya-aya sa harapan ng Dios.

Aral ni Cristo

Juan 17:9, 11""Idinadalangin ko sila: hindi ang sanglibutan ang idinadalangin ko, kundi yaong mga sa akin ay ibinigay mo; sapagkat sila'y Iyo:...at wala na ako sa sanglibutan, at ang mga ito ay nasa sanlibutan, at ako'y paririyan sa Iyo. Amang banal, ingatan mo sila sa iyong pangalan yaong mga ibinigay mo sa akin, UPANG SILA'Y MAGING ISA, na gaya naman natin.""

Idinadalangin ng ating Panginoong Jesucristo na yaong mga ibinigay ng Ama sa kanya o ang kanyang mga hinirang na kaanib sa kanyang Iglesia ay maging isa. Ang pagkakaisang idinadalangin Niya ay yung gaya ng pagkakaisa ni Cristo at ng Panginoong Dios.

Kaisa ng Diyos at ni Cristo

Juan 17:21, 23 ""Upang silang lahat ay MAGING ISA; NA GAYA MO AMA, SA AKIN, AT AKO'Y SA IYO, NA SILA NAMA'Y SUMAATIN: upang ang sanglibutan ay sumampalataya na ako'y sinugo mo....Ako'y sa kanila, at Ikaw ay sa akin, upang sila'y MALUBOS SA PAGKAKAISA; upang makilala ng sanglibutan na ikaw ang sa akin ay nagsugo, at sila'y iyong inibig, na gaya ko na inibig mo.""

Ang kaisahan ng Iglesia ay hindi lamang kaisahan ng mga kaanib nito kundi kaisa rin dito ang Panginoong Dios at ang Panginoong JesuCristo ("...na sila nama'y sumaatin").

Itinuro ng mga Apostol

1 Corinto 1:10 ""Ngayo'y ipinamamanhik ko sa inyo, mga kapatid, sa pamamagitan ng pangalan ng ating JesuCristo, na kayong lahat ay MANGAGSALITA NG ISA LAMANG BAGAY at  HUWAG MANGAGKAROON SA INYO NG MGA PAGKAKABAHABAHAGI; kundi KAYO'Y MANGALUBOS SA ISA LAMANG PAG-IISIP AT PAGHATOL.""

Maliwanag sa mga talatang nasa itaas na kaya tinutupad ng Iglesia ni Cristo ang pagkakaisa ay hindi lamang dahil sa itinuro ito ng mga apostol kundi lalo na ay ito ay aral ng Dios at ni Cristo na nakasulat sa Biblia.

itutuloy...

Bahay ng Dios...

Lokal ng Virginia Beach, Virginia

Kung bakit patuloy na nagpapatayo ang Iglesia ni Cristo ng mga gusaling sambahan ay dahil sa ito ay UTOS NG DIYOS upang doon isagawa ang pagsamba ng kanyang mga lingkod.

Haggai 1:8 ""Magsiahon kayo sa bundok, at mangagdala ng kahoy, at mangagtayo kayo ng bahay; at aking kalulugdan, at ako'y luluwalhati, sabi ng Panginoon.""

Ngunit may mga nagsasabi na mali raw tawaging "Bahay ng Dios" ang gusaling sambahan dahil ayon sa Biblia, ang bahay ng Dios ay ang tunay na Iglesia at ang mga kaanib nito. Dapat malaman ng mga tumutuligsa na hindi namin ito tinututulan dahil sa ito ay aral din ng Biblia.

Bahay ng Dios: Ang tunay na Iglesia

1 Timoteo 3:15 ""Nguni't kung ako'y magluwat ng mahabang panahon, ay upang maalaman mo kung paano ang dapat sa mga tao na ugaliin nila sa BAHAY NG DIYOS, na siyang IGLESIA ng Dios na buhay, at haligi at suhay ng katotohanan.""

Kaya tinatawag na bahay o tahanan ng Dios ang tunay na Iglesia ay dahil sa ito ay tahanan ng Dios sa espiritu.

Efeso 2:20-22 ""Na mga itinatayo sa ibabaw ng kinasasaligan ng mga apostol at ng mga propeta, na si Cristo Jesus din ang pangulong bato sa panulok; Na sa kaniya'y ang buong gusali, na nakalapat na mabuti, ay lumalago upang maging isang templong banal sa Panginoon; Na sa kaniya'y itinayo naman kayo upang maging TAHANAN NG DIYOS SA ESPIRITU.""

Bahay ng Dios: Ang mga kaanib ng Iglesia

1 Corinto 3:1, 16 ""At ako, MGA KAPATID, ay hindi nakapagsalita sa inyo na tulad sa mga nasa espiritu, kundi tulad sa mga nasa laman, tulad sa mga sanggol kay Cristo......Hindi baga ninyo nalalaman na kayo'y TEMPLO NG DIOS, at ang Espiritu ng Dios ay nananahan sa inyo?""

Mali bang tawaging bahay ng Dios ang templo o gusaling sambahan?

Isaias 2:3 ""At maraming bayan ay magsisiyaon at mangagsasabi, Halina kayo, at tayo'y magsiahon sa bundok ng Panginoon, sa BAHAY NG DIOS ni Jacob; at tuturuan niya tayo ng kaniyang mga daan, at tayo'y magsisilakad sa kaniyang mga landas: sapagka't mula sa Sion ay lalabas ang kautusan, at ang salita ng Panginoon ay mula sa Jerusalem.""

Nehemias 13:7 ""At ako'y naparoon sa Jerusalem, at naalaman ko ang kasamaang ginawa ni Eliasib tungkol kay Tobias, sa paghahanda niya sa kaniya ng isang silid sa mga looban ng BAHAY NG DIOS.""

Awit 5:7 ""Nguni't sa ganang akin, sa kasaganaan ng iyong kagandahang-loob ay papasok ako sa IYONG BAHAY; sa takot sa iyo ay sasamba ako sa dako ng iyong BANAL NA TEMPLO.""

Kung maling tawaging bahay ng Dios ang templo o mga gusaling sambahan, ay masasabi rin nating mali sina Propeta Isaias, Nehemias at si David. Hindi ito maaari. Lalo nang hindi maaaring magkamali ang Dios sa Kaniyang pahayag.

Isaias 56:7 ""Sila ay dadalhin ko sa aking banal na bundok, at papagkakatuwain ko sila sa AKING BAHAY na dalanginan: ang kanilang mga handog na susunugin at ang kanilang mga hain ay tatanggapin sa aking dambana; sapagka't ang aking bahay ay tatawaging BAHAY NA PANALANGINAN para sa lahat ng mga bayan.""

Ang bahay ng Dios: Ayon sa ating Panginoong JesuCristo

Juan 2:13-16 ""At malapit na ang paskua ng mga Judio, at umahon si Jesus sa Jerusalem. At nasumpungan niya sa templo yaong nangagbibili ng mga baka at mga tupa at mga kalapati, at ang mga mamamalit ng salapi na nangakaupo: At ginawa niyang isang panghampas ang mga lubid, itinaboy niyang lahat sa templo, ang mga tupa at gayon din ang mga baka; at ibinubo niya ang salapi ng mga mamamalit, at ginulo ang kanilang mga dulang; At sa nangagbibili ng mga kalapati ay sinabi niya, Alisin ninyo rito ang mga bagay na ito; huwag ninyong gawin ang BAHAY NG AKING AMA na bahay-kalakal.""

Maliwanag sa talata na ang templo ay tinawag ni Jesus na "bahay ng aking Ama". Ngunit isa sa mga ginagamit ng mga tumutuligsa sa Iglesia ay ang nakasulat sa Gawa  17:24.

Gawa 17:24 ""Ang Dios na gumawa ng sanglibutan at ng lahat ng mga bagay na naririto, siya, palibhasa'y Panginoon ng langit at ng lupa, ay hindi tumatahan sa mga TEMPLONG GINAWA NG MGA KAMAY""

Hindi namin  tinututulan ang sinabi ni Apostol Pablo. Ngunit bakit ba ito sinabi ni Apostol Pablo gayong napakaraming talata sa OT na nagsasabing ang templo ay Bahay ng Dios?

Isaias 66:1 ""Ito ang salita ni Yahweh: "Ang aking trono ay ang kalangitan, At itong daigdig ang aking tuntungan; Saan ka gagawa,paano mo gagawin ang aking Templo, Na aking tiraha't pahingahang dako?""

Samakatuwid, tinatawag ang templo na bahay ng Dios hindi dahil sa ito ang tirahan ng Dios at ito ang kanyang pahingahang dako. Bakit ito tinatawag na bahay ng Dios gayong hindi Niya ito tirahan at pahingahang dako?

1 Hari 8:27-29 ""Nguni't katotohanan bang tatahan ang Dios sa lupa? Narito, sa langit at sa langit ng mga langit ay hindi ka magkasiya; gaano pa sa bahay na ito na aking itinayo! Gayon ma'y iyong pakundanganan ang dalangin ng iyong lingkod at ang kaniyang pamanhik, Oh Panginoon kong Dios, na dinggin ang daing at dalangin na idinadalangin ng iyong lingkod sa harap mo sa araw na ito: Na anopa't ang iyong mga mata ay idilat sa dako ng bahay na ito gabi at araw, sa dakong iyong sinabi, ANG AKING PANGALAN AY DOROON ; upang dinggin ang panalangin na idadalangin ng iyong lingkod sa dakong ito.""

Awit 26:8 ""Panginoon, aking iniibig ang tahanan ng iyong bahay, at ang dako na TINATAHANAN NG IYONG KALUWALHATIAN.""

2 Chronicles 7:15-16 ""Ngayo'y ang aking mga mata ay didilat, at ang AKING PAKINIG ay makikinig, sa dalangin na gagawin sa dakong ito. Sapagka't ngayon ay aking pinili at itinalaga ANG BAHAY na ito, upang ang AKING PANGALAN AY DUMOON magpakailan man; at ang AKING MGA MATA at ang AKING PUSO ay DOROONG PALAGI.""

Maliwanag sa mga talata sa itaas na kaya ito ay tinatawag na bahay ng Dios ay dahil  doon tumatahan ang Kaniyang Pangalan, ang Kaniyang kaluwalhatian, ang Kaniyang mga mata, pakinig at puso.